coruna 26/06/2020

O concello agradécelle ao youtuber Wismichu a doazón de 1.200 máscaras para a veciñanza

by Victor Lamela

O concello agradécelle ao youtuber coruñés Ismael Prego (Wismichu) a doazón de 1200 máscaras reutilizables para repartir entre a veciñanza e valora positivamente tamén a disposición da firma Paraguas Carballo por axilizar a súa fabricación. Desde María Pita organizarán o repartimento destes elementos de protección entre as distintas entidades sociais da cidade.

As máscaras teñen dúas capas de tecido 100% algodón hidrófugo, con acabado de parafina. Wismichu contactou cos servizos municipais antes de se iniciar o proceso de elaboración e contou co compromiso da firma para darlle prioridade ao pedido co fin de entregalas no menor tempo posible. Estas cumpren a especificación UNE 0065 2020 e soportan un mínimo de 10 lavados. O lote inclúe distintos tamaños para as persoas adultas e unhas de talle mediano aptas para que as usen as nenas e nenos e as/os adolescentes.

A %d blogueros les gusta esto: