coruna 11/10/2020

O concello gaña espazo peonil en Xuxán e abre vías para mellorar a conexión entre os bloques

by Victor Lamela

A Concelllaría de Urbanismo, Infraestruturas e Mobilidadee mais a de Medio Ambiente e Sustentabilidade traballan para executar as melloras e cambios que solicitaron a veciñanza e cooperativas do barrio de Xuxán nos últimos meses.

Desde a concellaría que dirixe Esther Fontán, a de Medio Ambiente e Sustentabilidade, apuntan que a zona acaba de ser “limpa e desinfectada a fondo”. Pola súa banda, o edil de Urbanismo, Infraestruturas e Mobilidade, Juan Díaz Villoslada, asegura que “os valos xa existentes na zona desprazáronse para gañar espazos peonís e optouse por abrir vías paramellorar a conectividade entre os bloques habitados”, de acordo co que lles pediran as veciñas e veciños.

Canto ás parcelas edificables de titularidade municipal, vanse valar e limpar, co fin de evitar o seu abandono mentres non se constrúe. O concello anunciou que esta actuación, “que é de vital importancia para humanizar o barrio e conectalo con Matogrande e en que o Goberno local investirá 13 millóns de euros”, licitarase antes de que remate o 2020.

A %d blogueros les gusta esto: