Home » coruna » Currently Reading:

O Teatro Colón transfórmase nun grande lenzo coa Gala de fin de curso do Conservatorio de Danza

junio 13, 2018 coruna No Comments

O Conservatorio Profesional de Danza da Deputación da Coruña ultima os preparativos para levar a cabo a Gala de Fin de Curso 2018, que terá lugar este mércores 13 de xuño desde as 20:30 horas no Teatro Colón, e en que se poderá gozar da última creación escénica do centro “Museo”.

O Conservatorio Profesional de Danza aproveita a gala de peche do actual curso académico para adentrase no mundo da pintura. Un espectáculo en que as imaxes plasmadas nalgunhas das obras máis representativas da Historia da Arte toman vida por medio das coreografías representadas polo seu alumnado.

A vicepresidenta e responsable da área de Cultura da Deputación da Coruña, Goretti Sanmartín, puxo en valor esta mañá “o grande traballo e a profesionalidade” do conxunto de mestres, mestras e profesionais do mundo da danza que coa súa dedicación conseguen que “un ano máis do Conservatorio da Coruña sexa un centro de referencia, e tamén de excelencia”, parabenizando, do mesmo xeito, ao alumnado que completou o seu periodo de formación neste 2018.

A gala de fin de curso servirá para presentar a nova produción do Conservatorio Profesional de Danza da Coruña “Museo”.  O espectáculo trátase dnha performance en que se reproduce unha visita guiada de oitenta minutos ao museo, e que permitirá contemplar até 14 coreografías baseadas noutras tantas obras pictóricas, e entre as que se atopan “A moza da perla” de Johannes Vermeer, “As bailarinas” de Degas, ou os “Cepilladores de Parqué” de Gustave Caillebotte.

Representada por máis de 120 alumnos e alumnas do centro, o espectáculo integrado dentro da Gala de Fin de Curso 2018 do Conservatorio, servirá para recoñecer o traballo do alumnado que completou durante o presente ano os seus estudos e aprendizaxe de danza clásica, galega e contemporánea.

As persoas que queiran gozar de “Museo”, tamén poderán facelo o vindeiro xoves, 14 de xuño ás 20:30h, co segundo dos pases do novidoso espectáculo do Conservatorio profesional de Danza da Deputación da coruña.

 

Case tres décadas formando profesionais

O Conservatorio Profesional de Danza da Deputación de Coruña, foi creado en 1990, baixo a dirección de Luciano Gómez para poder ofrecer á mocidade unha formación de calidade, profesional e regulada, que ata entón non existía na cidade da Coruña.

A pesar de estar especializado en danza clásica, o Conservatorio tamén forma profesionais da danza contemporánea, sendo habitual ademais a súa presenza en festivais nacionais e internacionais.

Por medio do Conservatorio, aDeputación da Coruña segue amsoando o seu compromiso pola danza como expresión artística de primeiro nivel, unha aposta que ademais ratifica anualmente coa convocatoria de  bolsas de formación artística, entre as que se inclúe un apartado especificamente dedicado á danza.

Coruñes de nacimiento, y amante de esta gran ciudad, trabajador en la industria del metal y fan de las nuevas tecnologías, gestiono webs y redes a nivel local, y pronto espero tirarme a proyectos a nivel internacional.

Puedes seguirme en las redes

 

Comment on this Article:

Contacto y notas de prensa

600451894
A %d blogueros les gusta esto: